内地演员胡歌主演嘅重量级剧集《繁花》，因为有王家卫担任监制及总导演做“加持”，个个引颈以待，日前先至有女主演嘅名单流出，今次终于都有一众演员嘅大合照曝光！上星期20日刚过39岁生日嘅胡歌，获剧组为佢庆生，更有人流出合照，成为第一张见街嘅“官方合照”。

众人着上充满怀旧味道嘅戏服，即令马伊琍、唐嫣嘅剧中造型首次曝光，Backdrop上写有“宝总董董生日快乐”等字样，明显系为角色名为“阿宝”嘅胡歌庆生，同场仲有当红网红Papi酱，令网友对新剧内容抱更大好奇心。